Paroli di kansono
Lenadi Moucina
*****************

KISO OBLIVIATA
(poemo da Lenadi Moucina 2026)



Me de longe vidabis ke tu ne plu esas en memori
kande me bezonis la helpo de revi lor maladeso.
Ube tu esis floro di la joyo di unesma amori?
Nur en la oblivio di la lontana unesma kiso.

Hodie me ne rimemoras to quo eventis hiere.
La anciena jorno ne emersas de mea kapo ne mem pelmelo
ma forsan morge la mento bone rivivos lo bona e la malo. 
Nur "iktus amnezia" quale dicas mediki qui parolas latine.

Me ne savas se me sejornas en hospitalo o se me nur revas de co
Tamen me savas ke me ne savas quo eventis antee, nek qua maniere
nun me esas en ta lito en la salono de urjo, ka depos hiere
o sive nur kelka minuti, o se me sonjadas chez me sen koncienco.

Tamen me savis ke ulafoye ja me perdis la memoro dum kelka hori
e pose me ritrovas la mondo normala sen altra problemo 
kam un truo de tempo en mea vivo, ja sat longa por ke timo
de perdar kelka memorajo ne me desquitigas depos plura yari.

Quale omna oldanti, pokope anciena eventi obliviata 
rinaskas ye la cerebro vice recenta kozo 
quan on facis jus ta matino, fugaca quale perfumo de rozo.
Do pro quo me oblivias ankor la kiso da mea yuno amoranta?

Ube tu esis floro di la joyo de unesma amori?
Nur en la oblivio di la lontana unesma kiso.