Paroli di kansono
Lenadi Moucina
*****************


poemo da Jules GROSS
ek la libro Alpi-Rozi -1928


PRINCI

En vesti silvea babilas
Princa Printempo.
Infanti joyoza, kandida,
Anjeli apene terala.
Gaya Printempo,
Kantetez, ridetez e dansez.

Kantetez, ridetez e dansez.


En vesti cielblua triumfas
Princa Somero,
Geyuni, ye kordii flamoza,
Vi amez lo bela, lo bona,
Flama Somero,
E sempre plu alte acensez.

E sempre plu alte acensez.

En vesti purpura fulguras
Princa Autono.
Gespozi unkordia, unanma.
Savourez la frukti mieloza.
Ora Autono,
Amanta, amanta vi esez.

Amanta, amanta vi esez.

En vesti liliea, yen radias
Vintro Rejala ;
Ho kapi nivea, lumoza,
Terani ma balde cielani,
Vintro Deala,
Al paco eterna aspirez.

Al paco eterna aspirez.