Paroli di kansono Lenadi Moucina ***************** LA CID KAMPEADOR Dum tempo di vendemio de richa viti, Kande bona homi drinkas bona vino, Por la Santa Virgino koridis El Cid Taurin sovaja en prato aperta, Sub la kolino di la urbo Toledo. Helpez me Kristo e lua Santa Matro Por ke me skriptez sat belega kansono Pri la netimanta Rodrigo de Bivar La Cid Kampeador qua pulsis Mauri En la maro apud la richa Valencia. Deo helpez ke ni jame oblivieskez Di la heroo la honorinda nomo. [refeno] Deo helpez ke ni jame oblivieskez la nomo di la honorinda Cid Kampeador Ja vespero vers lua fino avancis La sovaja tauro ankor kuradis Don Rodrigo e lua fida kompani Koridis la bovo vers la griza Tajo Ube ne povis ekirar la sovajo. La tauro, korni avane, afrontis Fiera, sen timar, asaltante la homi. Yuna kavaliero bravacho per lua Lanso temerare kredis haltigar lu. Ve! la lanso ruptis, nur pikante osto. La korni ja trairis la kaval-ventro Ja kavalo vundita perdis lua internaji [refeno] Deo helpez ke ni jame oblivieskez la nomo di la honorinda Cid Kampeador Ja neprudenta kavaliero falita Mal enkarcerigata sub lua selo Esis minaceskata da la sovajo. Quik la Cid saltis sur la tero rapide Per lua mantelo trompis la tauro Qua lor asalteskis la granda heroo. Ma lu, quale statuo, sen movar la pedi, Firme vartis da la bestio la kornago. Kande la minacanta aguli ne plu Esis fore de don Rodrigo de Bivar [refeno] Deo helpez ke ni jame oblivieskez la nomo di la honorinda Cid Kampeador Lu, levante lua famoza espado Qua mortigabis tante mult enemiki Quik eniris la acero di Tizona Entre la du shultri dil bestio furioza Qua balde falis sur la sulo, mortinta. Jame on vidis ja agar sammaniere Ne mem Rolando, por mortigar tauro. Dum longatempo on kantos la brava Cid Qua por lua Rejo, ne retropasagis Nek kontre tauro nek koram Mauro. "Populo manjez lu" - il dicis laute- "E ofte pregez ye la Santa Virghino Qua helpis me por vinkar ta nobla bestio." [refeno] Deo helpez ke ni jame oblivieskez la nomo di la honorinda Cid Kampeador Joyoze la turbo sekis la kadavro E fortege dankis la Cid-Kampeador pri granto, e lua kurajo plus ankor . E singlu manjis karno por plenigar su Samatempe de braveso dil tauro E di lua vinkinto. [refeno] Deo helpez ke ni jame oblivieskez la nomo di la honorinda Cid Kampeador La Siniora Chimena Gomez en Burgos Kande lun vidabis duele mortigar Elua patro, ploradabis de amoro An la fenestro, malgre fatal honoro. Ma ta dio Chimena quale lilio es bel Nam don Rodrigo lor es spozulo di el Mortigante la tauri en la prato Apud la rivi dil Tajo en Toledo Por la Santa Virgino e Sioro Iessus." [refeno] Deo helpez ke ni jame oblivieskez la nomo di la honorinda Cid Kampeador la granda heroo Cid Kampeador **************************************