Paroli di kansono
Lenadi Moucina
*****************

Poemeti da Lenadi Moucina pos tri anonimi
refreno (eleganta) da Lenadi Moucina

KLAPKORNA QUATRENI

Du pueri marchas sur la voyo:
Suflant en klapkorno sen savar,
Ke li nule savas muzikar.
Tale de l'ignoro naskas joyo

Pwet pwet! sonadas la klapkorni

Du hirundi flugas tra l'aero
segun to, quon la proverbo dicas,
Nam por anuncar la bel vetero
Un hirundo sola ne suficas

Pwet pwet! sonadas la klapkorni

Du formiki trotas sur voyeto
E li amba dicas kun regreto :
"Malgre bona volo nia sumo
Ve! suficas ne por formikumo".

Pwet pwet! sonadas la klapkorni

Ca die yuno unigamboza nun
Volis sketar gaye sur la glacio.
Quik lu vere glitis kun delicio.
Du gambi, pro quo? suficas un.

Pwet pwet! sonadas la klapkorni

Lor me audis Mongol kantisto
Qua uzas samatempe du voci 
Tro jaluza me facis devoci:
guturo mea ekirez kisto!

Pwet pwet! sonadas la klapkorni

Lor du muevi inter su  parolas 
La homi dicas ke es kriaji
Tamen la uceli di la plaji
Pri nia kanti forsan dezolas

Pwet pwet! sonadas la klapkorni

En bel edituro, plu savanta
Kam me olim skribis pri klapkorni
Ne suficas rodar mea dorni
por ke me aparus min pedanta.

Pwet pwet! sonadas la klapkorni
Pwet pwet! Pwet pwet!