Paroli di kansono
Lenadi Moucina
*****************

Tradukuro en Ido da J.Houilon 
poemo en franca linguo da Lucien Paté (XIXa yarcento)


LAMENTO


Ye mea doloro klamadis al bosko,
E la bosko sospiregis;
Me mea maljon naracis al fonto,
E la fonto lakrimegis;
Me olu revelis al gaya ucelo,
E l'ucelo chagrinegis;

Me lu konfidencis al stelo brilanta,
Qua respondis per tremeli;
Me lu konocigis dal floro celita 
En la herbo di la prati;
Me fine lun dicis al floro pendanta
De l'arboro an voyeti;

Ed oli quik varsis sur mea vunduro
Dolc oleo di kompato;
La vento qua fugas kun fabla susuro
Me karezis kun singluto;
En mea sufrado la tota naturo
Amikale prenas parto.

...

Tu sola nulfoye konsentas audar me,
Amorato ne-sensiva!
Ka tu kruela kam l'enti senviva,
Ne voluntos kalmigar me?