Paroli de kansono
Lenadi Moucina
*****************

kansono di Venezia di la XVIIIa yarcento.
Tri strofi tradukita da A.Verzan e E.Wefferling dum 1924.
Altra strofi e aranji da Lenadi Moucina 2026

LIBERTINAGI DI VENEZIA

Ho amanteto, videz la luno 
Varsar arjento, sur la laguno. 
Videz la steli gaye brilar.

— Venez, amanto bela, gondole vehar! 

Quale freshoza maro-brizeto  
Qua dolce ludas, sur tua facieto, 
La vangin tua me volas kisar.

— Venez en gondolo, amanto bela, nokte vehar!

Ibe ni povos dolce amorar 
For la smaili di la remeri, 
Bone shirmata per la kurteni.

— En la laguno venez, amanto bela, gondole vehar! 

Me deziras de mea labii 
En la kolo, kisin de rubii
Quale reda rozi, gaye pozar.

— Per gondolo, amanto bela, venez sur la maro vehar!
----

Lasez mea manui furtar 
Lejera karesi, ye la pelo, 
E balde emundar la kandelo.

— amanto bela, la rivo es nun lontana ye gondole vehar! 

Pose ni rivenos a la rivo 
Felica pri kanti, e la vivo 
Noktala... Ka trifoye? ... Forsan quar.

— Rivenez, amanto bela, gondol-vehar! 

Morge a San Marko dum la meso 
Ni celez sorgoze la fremiso,
Nia du spozi ne devos savar
— Ke ni, kara amanti, povus ankor gondole vehar!
...
— Rivenez, bela amanto mea, kun me gondol-vehar!
— Ankor-foye, venez, bela amanto mea, kun me gondol-vehar!

****